BILBO, 17 (EUROPA PRESS)
Euskaraldia dinamikaren arduradunek ekimenaren talde enbaxadorea izango den "hamaikakoa" aurkeztuko dute asteazkenean, apirilaren 18an, Bilboko Itsasadarra Itsas Museoan. Ekitaldia arratsaldeko 16.00etan hasiko da, Topaguneak jakinarazi duenez.
Hain zuzen, "Euskaraldia: 11 egun euskaraz" ariketa sozialean parte hartuko duen 11 pertsonen talde enbaxadorea aurkeztuko da. Taldearen helburua izango da hizkuntza ohituren aldaketaren bidez hiritarrak aktibatu nahi dituen dinamika ezagutzera ematea.
Horrela, Euskaraldiaren talde enbaxadorea osatuko dute Aretz Igiñiz Aviron Bayonnais taldeko errugbilariak, Cris Lizarraga Belako musika taldeko kideak, Dani Alvarez Radio Euskadi irratiako "Boulevard" saioko gidariak, Toti Martinez de Lezea idazle eta gidoilariak, Pedro Miguel Etxenike fisikari eta Donostian Physics Centerreko zuzendariak, La Basu hip hop musikariak, Mikel Arrasate Karrikaluze Atarrabiako euskaltzaleen elkarteko kideak, Arianne Unamuno Pil-Pilean Soraluzeko euskaltzaleen elkarteko kideak, Eneko Sagardoy aktoreak, Zuriñe Gil Geu Gasteizko euskaltzaleen elkarteko kideak eta Alex Txikon alpinistak.
Horrez gain, ekitaldian izango dira Arrate Illaro Euskaltzaleen Topaguneko kide eta Euskaraldiaren koordinatzailea eta Miren Dobaran Eusko Jaurlaritzako Hizkuntza Politikarako sailburuordea.
