cia" class="NormalTextoNoticia" itemprop="articleBody">
BILBO, 17 (EUROPA PRESS)
Euskara-maila egiaztatzeko azterketen matrikula epeak irekitzear daudenean, Eusko Jaurlaritzako Hezkuntza Sailak eta Kultura Sailak gogorarazi dute dekretu berri bat tramitatzen ari dela, Administrazio publikoan lanpostu bat lortu nahi duten eta ikasketak euskaraz egin dituzten pertsonak hizkuntzen ziurtagiriak aurkeztetik salbuetsiko dituena.
Administraziotik kanpoko beste lanpostu batzuei ere aplikatuko zaizkie salbuespen horiek, irakaskuntza pribatuko eta euskaltegiak bezalako beste zentro homologatu batzuetako irakasleei, esate baterako, Jaurlaritzako Kultura Saileko iturriek jakinarazi dutenez.
Ikasleek jasoko duten salbuespen mailak haien ikasketa mailarekin harreman zuzena izango du, bai Bigarren Hezkuntzako Graduatuaren edo erdi mailako Lanbide Heziketaren tituluagatik, bai Batxiler edo goi mailako Lanbide Heziketaren tituluagatik, bai unibertsitate-ikasketengatik.
Dekretuak atzeraeraginezko ondorioak izango ditu 2008ko apirilaren 16an baino lehenago lortutako titulu guztietarako; izan ere, egun horretan homologatu baitziren Eusko Jaurlaritzak ematen dituen euskara tituluak Esparru Europar Bateratura.
