BILBO, 23 Ene. (EUROPA PRESS) -
Guztira 345 lan lehiatuko dira Edebé Haur eta Gazte Literatura Sarien 23. edizioan, haietako hiru euskarazkoak, eta sarituak zein diren urtarrilaren 28an jakinaraziko da, Bartzelonan.
Aurtengo lehiaketara aurkeztutako lanetatik, 205 haur literaturakoak dira, eta 140, gazte literaturakoak. Horietako 314 gaztelaniaz idatziak izan dira, 20 katalanez, zortzi galegoz eta hiru euskaraz. Aurreko 22 deialdietan gaztelaniazko 26 liburu, katalanezko 13 eta galegozko lau saritu dira.
Edebé Argitalpen Taldeak jakinarazi duenez, lehiaketaren 23. edizioak 55.000 euro banatuko ditu guztira sarietan: 30.000 euro gazte literaturako lan onenarentzat, eta 25.000 euro haur literaturako lan onenarentzat.
