DONOSTIA, 17 Jun. (EUROPA PRESS) -
Eusko Jaurlaritzaren esku dagoen Euskotren sozietate publikoak Eibar-Arrate autobus zerbitzua zabalduko du astelehenean hasita, ekainaren 18an. Zehazki, astelehenetik ostiralera, lanegunetan, Eibarretik zerbitzu bat izango da 15.00etan Arratera joateko, eta Arratetik beste bat 15.30ean Eibarrera joateko.
Euskotrenek prentsa ohar bidez jakinarazi duenez, udan zehar larunbat lanegunetan, igandeetan eta jaiegunetan eskaintzen diren zerbitzuei gehituko zaizkie zerbitzu berriak. Larunbat lanegunetan, Eibarretik 14.00etan izaten da irteera, eta Arratetik 14.30ean.
Bestalde, igandeetako eta jaiegunetako irteera orduak honako hauek dira: Eibarretik, 09.00, 10.00, 11.00, 13.00 eta 18.00etan, eta Arratetik, 09.30, 10.30, 11.30, 13.30 eta 18.30ean.
Informazio gehiago behar duten erabiltzaileek 944 333 333 telefono zenbakia, www.euskotren.eus web orrialdea eta @euskotrenEJGV Twitter gunea erabilgarri dituzte.
