DONOSTIA, 30 Oct. (EUROPA PRESS) -
Euskotrenek tren zerbitzua indartuko du larunbatean, azaroaren 1ean, Realak eta Malagak Anoetan gaueko 22:00etatik aurrera jokatuko duten partida dela eta. Zerbitzua indartuko duten tren bereziek ohiko geldialdiak egingo dituzte, sozietate publikoak jakinarazi duenez.
Horrela, norgehiagokaren aurretik, trenak izango dira Anoetara Hendaiatik (21:03an), Errenteriatik (21:08an), Oiartzundik (21:13an), Irundik (21:18an), Herreratik (21:45ean), Lasartetik (21:30ean) eta Amaratik (21:30ean).
Partida bukatuta, trenak irtengo dira Anoetatik Hendaiara (00:03an, 00:08an eta 00:33an), Lasartera (00:03an) eta Zumaiara (00:10ean). Gainerako trenek beren ohiko ordutegia mantenduko dute.
Informazio gehiago behar duten erabiltzaileek Euskotrenen honako telefono zenbaki honetara dei dezakete: 902 543 210. Horrez gain, informazioa jaso dezakete geltokietan eta geralekuetan, konpainiaren webgunean (www.euskotren.es) eta Twitter gunean (@euskotrenEJGV).
