EuskoTrenek zerbitzu berezia eskainiko du Zumaia-Donostia linean irailaren 5ean eta 12an, Kontxako estropadak direla eta

   EuskoTren Eusko Jaurlaritzako Etxebizitza, Herri Lan eta Garraio Sailaren esku dagoen sozietate publikoak tren zerbitzu berezia eskainiko du irailaren 5ean eta 12an Zumaia-Donostia linean, Kontxako Ikurrinaren estropadak direla eta.

   Zerbitzu hori lineako tren zerbitzu erregularra osatuko duten zazpi tren berezik osatuko dute. Zazpi zerbitzu berezi horiek Zumaiatik abiatuko dira 9:00etan, 9:10ean, 9:30etan, 10:00etan, 10:10ean, 10:30etan eta 11:00etan, eta lineako geltoki eta geraleku guztietan geldituko dira (Zumaia, Zarautz, San Pelaio, Aia-Orio, Usurbil, Errekalde, Añorga, Lugaritz eta Donostia-Amara).

   Informazio gehiago behar duten erabiltzaileek geltokietan eta geralekuetan eska dezakete, eta baita Bezeroaren Arretarako Bulegoan, EuskoTrenen www.euskotren.es webgunean eta 902 543 210 informazio zenbakira deituz ere.