BILBO, 25 Oct. (EUROPA PRESS) -
Getxoko Udalak eta Egizu euskara elkarteak elkarlanean antolatzen duten Sendi proiektuak familia osoari zuzendutako kirol jaia antolatu dute euskaraz igande honetarako, urriaren 26rako, Fadurako kiroldegian, 11:00etatik 14:00etara.
Herri Kirol taldearen, Arku Tiro taldearen, Aixerrota Boleibol taldearen, Getxoko Etorkinak Plataformaren eta Getxo Kirolak erakundearen laguntza duen ekimena gurasoentzat eta lau urtetik gorako seme-alabentzat izango da, eta Getxo Kirolaren Hiri Europarraren izendapenagatik antolatutako ekitaldien artean dago.
Antolakuntzako iturriek jakinarazi dutenez, ohikoak ez diren kirolak praktikatu ahal izango dira, hala nola arku tiroa, badminton, herri kirolak eta zomba. Txanda laburretan lau kirolak probatzeko aukera izango da, eta musika, zozketak eta azken momentuko sorpresak ere izango dira. Ume txikienentzat haurtzaindegi zerbitzua egongo da Fadurako Txikigunean.
Izena emateko 685 73 29 63 telefono deitu behar da edo, bestela, sendigetxo@yahoo.com posta elektronikora idatzi, izenak, lagun kopurua, adinak eta kontakturako telefono zenbakia zehaztuz.
