BILBO, 10 (EUROPA PRESS)
Getxoko Ereaga eta Arrigunaga hondartzak dira Bizkaian 2017an Bandera Urdina izango duten bakarrak. ADEAC-FEE Ingurumeneko Hezkuntzako eta Kontsumitzaileen Elkarteak ematen du izendapena, ingurumena eta natura errespetatuz, itsasertzaren eta hondartzen gestioan egindako ahaleginagatik. Ereagak hamargarren urtez jaso du bandera, eta Arrigunagak zortzigarrenez, Getxoko Udalak jakinarazi duenez.
Bandera Urdinak aurretik ezarritako estandar batzuk bete izana egiaztatzen du, hala nola bainatzeko uraren kalitate ona, garbitasuna, ingurumen informazio eta hezkuntza, segurtasuna, zerbitzuak eta instalazioak. Bandera Urdinaren azken helburua da turismoaren garapen iraunkorra eta hondartzetan eta inguruetan ingurumenarekiko kudeaketa adeitsua lortzea.
"Itsasoko uraren eta hondartzako inguruaren kalitatea egiaztatzeaz gainera, bandera hau eskuratzeak baieztatzen du Getxoko Udalak duen konpromisoa ingurumenaren iraunkortasunarekin eta ingurumen sentsibilizazio, trebatze eta heziketarekin. Urte osoan zehar aurrera eramaten ari den etengabeko lana da, ez soilik udan egiten dena, udalerri iraunkorrago bat lortzeko", Jose Luis Landa Getxoko Udaleko Ingurumen zinegotziak azaldu duenez.
Bere hitzetan, "bandera urdinaren sari honek gure bi hondartza hauen garrantzia areagotzen du udalerriko baliabide turistiko nagusietako bezala, non datozen bisitariak gero eta gehiago diren".
