BILBO, 7 Jul. (EUROPA PRESS) -
Getxoko komiki azokak omenaldia egingo die La Cúpulako argitaratzailea den Josep Maríari eta Astiberri Argitaletxeari, Getxoko Komiki Azokatik jakinarazi dutenaren arabera.
Josep María Berenguer 1944an jaio zen Bartzelonan eta Arte Ederrak ikasi zituen Estokolmon. Freelance argazkilari eta ilustratzaile modura jardun zen eta liburu eta disko azalak egin zituen.
Halaber, pintura eta argazki erakusketak egin zituen Bartzelonan, Madrilen, Parisen eta Estokolmon. 1979. urtean El Víbora aldizkaria sortu zuen Josep Toutainek lagunduta eta, ordutik hona, argitaletxe horretako zuzendari literarioa izan da. Hasiera-hasieratik kalitatezko komiki independente eta hiritarraren aldeko apustu egin zuen, egile eta irakurle belaunaldi oso batentzako erreferentzia bilakatu dela.
Urte askotan zehar El víbora argitaletxearen entseina nagusia izan zen eta espainiar komikiaren panoramako erakusle handienetariko bat. La Cúpularen eskutik Halaber, eleberri grafikoaren aldeko apustua egin zuen lehenengo argitaletxe espainiarra izan zen La Cúpula eta, aipatutako egileez gain, Joe Matt, Adrian Tomine, Jason Lutes, Chester Brown, Ralf König, Camille Jourdy eta Etiene Davodeau artista handien lanak kaleratu zituen.
ASTIBERRI
Astiberri bilbotar argitaletxea martxoaren 2011n sortu zen, irakurle helduei, nahiz eta derrigorrean komiki-zaleak ez izan, zuzenduta. Ospe handiko artistek -nahiz eta batzuetan hemengo irakurleek ezagutzen ez badute- eginiko kalitate literario handiko lanak argitaratzea du ardatz nagusietako bat Astiberrik. Horrela, Edmon Baudoin, Jason Lutes, Frederik Peeters, Craig Thomson, Lewis Trondheim, Jason, Neil Gaiman, Dave McKean, Guy Delisle eta Alex Robinson egileen aldeko apustu egin dute eta, pixkanaka-pixkanaka, artista horiek zaleen artean erreferentzia bilakatu dira.
Halaber, argitaletxeak estatuko egile berrien zein ospetsuen lana bultzatu du eta, horri esker, zenbait artistaren lanak esportatzea lortu dute. Egile horien artean Luis Durán, Raquel Alzate, Javier de Isusi, Paco Roca, Fermín Solís, Lorenzo Gómez, Fidel Martínez, Jorge García eta David Rubín aipatu daitezke.
Astiberriren jarduera luzea ez bada ere, sari ugari jaso ditu, esaterako Diario de Avisos de Tenerifek argitaletxe onenari emandako Darías sari ospetsua bost aldiz irabazi ditu. Halaber, argitaratu dituen lan askok eta komiki horietako egileek 50 izendapen baino gehiago lortu dituzte Bartzelonako Komiki Azokan, Espainiako Azokarik garrantzitsuena alegia, 2003tik aurrera.
