Aviso: Esta noticia tiene más de un año. Última actualización: 02/09/2010 13:17
Gizonezko bat atxilotu zuten atzo arratsaldean Bilbon kalez jantzita zegoen ertzain bati heroina saltzen saiatzeagatik, Eusko Jaurlaritzako Herrizaingo Sailak gaur jakinarazi duenez.
Atzo arratsaldeko 13:00ak aldera, gizon bat heroina saltzen hurbildu zitzaion Bilbo Zaharretik zainketa lanak egiten ari zen eta kalez jantzita zihoan ertzain bati. Hori ikusita, agenteak ertzaina zela jakinarazi zion gizonezkoari eta hura identifikatzen saiatu zen, baina ez zuen lortu jarrera oldarkorra zuelako.
Atxilotuta zegoela jakinarazi ostean, droga-saltzailea ertzainak erasotzen saiatu zen, baina azkenean atxiki egin zuten eta polizia egoitzara eraman, ohiko dilijentziak egin eta ondoren epailearen aurrera eramateko.