BILBO 22 Feb. (EUROPA PRESS) -
Getxoko (Bizkaia) Udaltzaingoak 21 urteko A.J.G.G. gizonezkoa atxilotu du gaur goizaldean Neguri aldean aparkatuta zeuden sei ibilgailuren kristalak apurtzea eta barruan lapurtzea egotzita, Getxoko Udaletik jakinarazi dutenez.
Atxilotua kalez jantzita zeuden udaltzainek aurkitu dute goizaldeko 3:00ak aldera eta nor zen egiaztatzen ari zirela, inguruko auto batzuetan kalteak zeudela eta barruan lapurtu dutela ikusi dute. Aurreko astean alde horretan hainbat ibilgailuren barruan lapurretak izan ondoren, ezohizko jarduera jarri zen martxan zonaldean kalez jantzita zihoazen eta uniformedun udaltzainekin. Horren ondorioz, azkenean, lapurreta horien ustezko egilea atxilotu dute.
Antzeko gertaerengatik aurrekari ugari ditu atxilotuak. Horrela, 2010eko azaroan, Getxoko Udaltzaingoak 16 ibilgailuren barruan osteagatik atxilotu zuen. Era berean, Gasteizko epaitegi baten atxilotze agindua du. Gaur epailearen esku geratuko da.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)