Gizon bat atxilotu dute Laukizen (Bizkaia) bikotekidea bortizkeriaz jotzeagatik

Europa Press País Vasco
Actualizado: viernes, 17 mayo 2013 14:04
Seguir en

BILBO 17 May. (EUROPA PRESS) -

Ertzaintzak 24 urteko gizonezko bat atxilotu zuen ostegunean Bizkaiko Laukiz udalerrian, bikotekidea bortizkeriaz jotzeagatik. Biktima ospitalera eraman behar izan zuten jasandako lesioen ondorioz, Eusko Jaurlaritzako Segurtasun Sailak jakinarazi duenez.

Gertaerak arratsaldeko 14:00ak aldera izan ziren, ostegunean. Anbulatorio batetik Ertzaintzari deitu zioten, osasun-langileak eraso bat jasan zuen emakume bat artatzen ari zirelako. Biktimak handituta zuen buruaren atzealdea eta odol arrastoak zituen gerrialdean. Emakumeak azaldu zuen eztabaidan aritu zela bikotekidearekin eta bortizkeriaz jo zuela.

Emakumea anbulatoriotik Gurutzetako Ospitalera eraman zuten, zauriak sendatzeko, eta minutu batzuk geroago, ertzainek ustezko erasotzailea -24 urteko gizonezko bat- aurkitu eta atxilotu zuten, genero indakeriako delitu bat egotzita.

Contenido patrocinado