BILBO, 19 (EUROPA PRESS)
Karrantzako bizilaguna den 43 urteko gizonezko bat hil da ostegun honetan Bizkaiko herri horretan, lursail bat garbitzeko makina batekin lanean ari zela zazpi metroko altueratik ibaira erori ondoren, Eusko Jaurlaritzako Segurtasun Sailak Europa Press berri agentziari jakinarazi dionez.
Ostegun honetan, eguerdiko 12.30 aldera, gizonezkoa lursail bat garbitzen ari zen anaiarekin batera, eta, oraindik argitu gabe dauden arrazoiengatik, ibaira erori da. Anaia ibaira jaitsi da eta auzokide batzuen laguntzarekin biktima uretatik atera dute.
Bizilagunetako bat gizona suspertzen saiatu da, baina ez du lortu. Gizonaren heriotza egiaztatu ondoren, epaitegiko ordezkaritza istripuaren tokira joan da, gorpua eramateko.
