BILBO, 5 Ago. (EUROPA PRESS) -
Energiaren Euskal Erakundeak, Eusko Jaurlaritzaren Industria, Berrikuntza, Merkataritza eta Turismo Sailaren energia agentziak, diru laguntza programa batzuk, energia iturri berriztagarrien aprobetxamenduari begirako instalazioak sustatzea helburu duten diru laguntza batzuk kudeatzen ditu. 2011ko ekitaldian, 4,9 milioi euro kudeatuko ditu guztira eguzki, aire, ur edo materia organikoaz baliatuta, energia iturri berriak bultzatzeko asmoz, enpresak berak adierazi bezala.
Diru laguntza programa horien barruan, badira EEEren aurrekontuari lotutako programak, gehiago zehaztuz, 2,1 milioi euroko aurrekontua dutenak. Bestetik, Industria Sailaren diru laguntza programak dauzkate, EEEren kudeaketaren ardurapean daudenak, 1,7 milioi euroko aurrekontua dutenak.
Oro har, itzuli beharrik gabeko diru laguntza horien intentsitatea %30 eta %35 artekoa da, instalazio motaren arabera. Diru laguntza horietaz balia daitezkeen teknologiak, aldiz, ondoko hauek dira, eguzki-energia fotovoltaikoa, biomasa termikoa, trukaketa geotermikoa, biogas-instalazioak, bioerregaiez hornitzeko guneak, sorgailu eolikoak eta mikrozentral hidroelektrikoak.
