BILBO, 1 Abr. (EUROPA PRESS) -
Italiako Giroaren antolakuntzak jakinarazi du 2012. urteko edizioa Danimarkan hasiko dela, hain zuzen ere, Herning hirian, Bjarne Rijs txirrindulari ohi eta Saxo Bank-Sungaard taldeko egungo zuzendariaren jaioterrian, alegia.
Angelo Zomegman Italiako Giroko zuzendariak "atsegin handiz" iragarri du itzulia Italiatik kanpo hasiko dela hamargarren aldiz bere historian. Hori gertatu zen azken aldia 2010ean izan zen, Giroa Amsterdamen hasi zenean.
Horrela, 2012ko maiatzaren 5ean, Herning hirian hasiko da Italiako Giroaren 95. edizioa, Jutlandia penintsulako udalerrian egingo den bakarkako erlojuz kontrako etapa batekin. Ondoren, beste bi etapa egingo dira herrialde eskandinaviarrean Italiara itzuli aurretik.
