BILBO, 24 Nov. (EUROPA PRESS) -
Jabier Kaltzakorta euskaltzain osoaren sarrera ekitaldia egingo da Markina-Xemeingo (Bizkai) udaletxean datorren larunbatean, azaroaren 29an, eguerdiko 12:00etan, Akademiak jakinarazi duenez.
Ekitaldia Juan Jose Txurruka Markina-Xemeingo alkatearen ongi etorriarekin hasiko da, eta jarraian, Andres Urrutia euskaltzainburuak bertaratutakoak agurtuko ditu.
Xabier Kintana Euskaltzaindiko idazkariak ekitaldiaren nondik norakoa azaldu du, eta ondoren, Jabier Kaltzakortak sarrera hitzaldia eskainiko du, "Ahozko literatura hizpide" izenburupean. Adolfo Arejita euskaltzainak emango dio erantzuna, eta euskaltzain berriari domina eta diploma emanez bukatuko da ekitaldia.
