GASTEIZ, 28 (EUROPA PRESS)
Eusko Jaurlaritzak Euskal Autonomia Erkidegoko (EAE) 2017. urteko ekonomiaren hazkunde aurreikuspenak igoko ditu, orain arteko %2,3tik %2,5 ingurura, Pedro Azpiazu Ogasun eta Ekonomia sailburuak jakinarazi duenez.
Azpiazuk Eusko Legebiltzarreko Aurrekontuen Batzordean egindako agerraldian eman du jakitera Barne Produktu Gordinaren (BPG) bilakaeraren berrikuspena. Azpiazuk Ogasun eta Ekonomia Sailaren aurrekontu proiektua aurkezteko egin du agerraldia.
Horrela, Jaurlaritzak joan den astean onartu zuen 2017rako Aurrekontuen Proiektuak BPGren %2,3ko hazkundea aurreikusi zuen. Hala ere, Azpiazuk azaldu duenez, azken egunetan ezagututako adierazle ekonomikoen ondorioz, Lakuako Gobernuak zenbatespena "igotzea" aurreikusi du.
EAEko ekonomiaren goranzko bilakaeraren neurria zehaztu ez duen arren, Ekonomia eta Ogasun sailburuak adierazi du %2,5 "ingurukoa" izango dela, hau da, Espainiako ekonomian aurreikusitako berdina.
