GASTEIZ, 18 (EUROPA PRESS)
Euskadiko Orkestra Sinfonikoak (EOS) bonu denboraldiko egitarau berria eskainiko du maiatzaren 20tik 25era bitartean. Zuzendaria Jun Märkl izango da, eta Julian Rachlin "nazioarteko zirkuituko biolinistarik gailenetakoa" bakarlari gonbidatu bezala ariko da.
EOSek jakinarazi duenez, gainera, Märklek euskal orkestraren zuzendari titular gisa zuzenduko dituen azken kontzertuak izango dira. Lehen emanaldia larunbatean izango da, maiatzaren 20an, Gasteizko Principal antzokian, eta hurrengoak, maiatzaren 22an Donostiako Kursaal auditoriumean, 23an Iruñeko Baluarte auditoriumean, 24an Bilboko Euskalduna kauregian eta 25ean berriro Kursaal auditoriumean izango dira. Kontzertutako egitarauan nabarmentzekoak dira Jesus Guridiren "Hamar euskal melodia" eta Felix Mendelssohen "Biolinerako kontzertua".
Modu honetan, Julian Rachlin biolinista EOSen bonu denboraldian bakarlari gonbidatu ariko da berriz ere, 2010eko urrian kehen aldiz jardun ondoren. Pinchas Zukermanen ikasle izandakoa, Rachlin gaur egungo izar nagusienetakoa da nazioarte mailan. Adibide modura, Municheko Orkestra Filarmonikoarekin eta Zubin Mehtarekin, Israelgo Orkestra Filarmonikoarekin eta Gianandrea Nosedarekin, Txinako Orkestra Filarmonikoarekin eta Long Yurekin eta Scalako Orkestra Filarmonikoarekin eta Riccardo Chaillyrekn partekatu du agertokia denboraldi honetan.
