Foto: ETXEPARE EUSKAL INSTITUTUA
DONOSTIA, 9 Feb. (EUROPA PRESS) -
Alemaniako Konstanz Unibertsitatean otsailaren 13 eta 14an egingo den "Euskal kultura eta gatazka politikoa - Konstantzako euskal sinposioa" prentsaurrekoan aurkeztuko da ostiral honetan, otsailaren 10ean, Etxepare Euskal Institituaren egoitzan, Donostian. Sinposioa Etxepare Institutuak eta Konstanz Unibertsitateak antolatu dute, eta Konstanzako irakurletzaren lehen ekintza izango da. Sinposioaren kartela ere aurkeztuko dute ekitaldian.
Arduradunak Mari Jose Olaziregi Etxepare Euskal Institutuko euskararen sustapen eta hedapenerako zuzendaria eta Pere Joan Tour eta Georg A. Kaiser Konstanz Unibertsitateko katedradunak izan dira, Etxepare Euskal Institututik adierazi dutenez.
Iragana ahaztu gabe, bakean oinarritutako gizarte bat erakitzea du helburu biltzarrak. Bertan, idazle zein unibertsitate ezberdinetako adituak bilduko dira gaiaren inguruko alderdi ezberdinak jorratzeko, besteak beste, indarkeriaren lehena eta oraina, hizkuntza, soziolinguistika, literatura edota komunikabideak.
Aurkezpen prentsaurrekoan 10:30ean hasiko da eta Aizpea Goenaga Etxepare Euskal Institutuko zuzendariak, Mari Jose Olaziregi Etxepare Euskal Institutuko euskararen sustapen eta hedapenerako zuzendariak eta sinposioan parte hartuko duen Arantxa Urretabizkaia idazleak parte hartuko dute.