BILBO, 13 (EUROPA PRESS)
Maria Jesus San Jose Eusko Jaurlaritzako Lan eta Justizia Sailak adierazi du lanaldi partzialeko kontratuak berrikusteko hartu duen erabakia "neurri onuragarria" dela langileentzat, Ogasunarentzat eta Gizaete Segurantzarentzat, eta horrela, "denok" irabazten dugula.
"Zorrotz jardungo dugu halako iruzurrak eragozten, denok irabaziko baitugu horrela", jakinarazi du astelehen honetan, Radio Euskadi irratiari eskainitako elkarrizketa batean.
San Josek azaldu duenez, Jaurlaritzak iruzurren postontzi bat ipiniko du aurki Internet bidez kolektibo kalteberenen salaketak biltzeko, besteak beste, "ordezkari sindikalen babesik ez duten edo errepresalien beldur diren langileenak". Helburua da aparteko orduak egiten dituzten lanaldi partzialeko lanak detektatzea, lanaldi osoko kontratuak ezkutatzen arituko liratekeenak.
Lan Ikuskatzailetza egiten ari den lan profesional "goresgarria eta zorrotza" nabarmendu du Lan eta Justizia sailburuak, eta azaldu du aurreikusita dagoela ikuskatzaileen eta ikuskatzaileordeen kopurua gehitzea kanpaina hau eta legealdian zehar abian jarri ahal izango diren beste batzuk aurrera eraman ahal izateko.
