BILBO, 5 Mar. (EUROPA PRESS) -
Bilboko Udaleko Osasun eta Kontsumo Sailak eta Berdintasun, Lankidetza eta Herritarren Gaietarako Sailak hiri nutrizioari eta elikaduraren sistema jasangarriari buruzko nazioarteko foro batean parte hartu dute Londresen, Milango Udalak gonbidatuta, munduko beste hiri batzuekin batera, besteak beste, Amsterdam, Bartzelona, Brujas, Goteborg, Sao Paulo, Londres, Marsella, Medellin, Daegu, New York, Shangai, Torino, Paris eta Milanekin batera.
Europar Batasuneko, Elikaduraren eta Nekazariztaren NBEren erakundeko (FAO), Galesko Printzea Fundazioko, Munduko Osasun Erakundeko, Italiako Gobernukoek eta Londreseko Udaleko ordezkariek ere parte hartu dute foroan, Bilboko Udaleko iturriek jakinarazi dutenez.
Milanek antolatu du topaketa, eta parte hartzaileek osasun eta elikadura jasangarriaren, dieten eta klimaren aldaketaren arloko esperientziak trukatu dituzte bertan, guztia elikadurarekin eta elikagaien hondarrekin erlazionatuta.
Gainera, Londreseko Udalak garatutako elikaduraren arloko hiru esperientzia bertatik bertara ikusi dituzte parte hartzaileek, eta elikagaiak eskuratzeaz eta banatzeko arazoez, hiriko eta hiri inguruko nekazaritza eta hiri eta landa inguruaren arteko harremanaz, osasunaz, gizarte mailako babesaz, nutrizioaz eta dieta jasangarriez eta elikagaien hondarrez eztabaidatu duten.
ITUNA
Mundu zabaleko hiri horiek guztiek parte hartu duten foroan xedea osagarriak diren europar proiektu bitan lan egitea zen: Urban Food Policy Pact eta Food Smart Cities for Development (EYD 2015), aurten ospatzen ari den Garapenerako Europar Urtearen barruan eta Milanen egingo den Expo erakusketaren harira.
Egunotan Londresen egindako lanaren zati batek hiriko elikagaien arloko politikei buruz itun bat lortzea izan du xede, tokiko elikadura arloko politika garatu edo hobetu nahi duten mundu zabaleko hirientzat erreferentea izateko. Ituna sustatzeko NBEko agentziek ere kolaboratzen dute, bai eta C40-Klima arloko Lidergoko Hirien Taldea bezalako nazioarteko zenbait erakundek ere.
Bilboko Udaleko sailek hiriko elikadurari buruzko alderdi batzuk defendatu dituzte, nazioarteko proiektuari ekarpen hori eginez. Hiriko Elikagaien arloko Politikei buruzko Ituna datorren udazkenean aurkeztu da Milanen, Expo Milan 2015 erakusketan.
