BILBO, 17 (EUROPA PRESS)
Bizkaiko Mendexa herriko itsaslabarrean istripua izan duen emakume bat erreskatatu du astearte honetan Ertzaintzako helikopteroak. Emakumea Zaragozako bizilaguna da eta 50 urte ditu, Eusko Jaurlaritzako Segurtasun Sailak Europa Press berri agentziari adierazi dionez.
Arratsaldeko 14.30 aldera, emakumearen senarrak istripuaren berri eman die larrialdiko zerbitzuei. Gainera, emazteak arnasa hartzeko zailtasunak zituela jakinarazi die.
Ertzaintzako Zainketa Unitateko eta Mendiko Erreskateko agenteak eta helikoptero bat mobilizatu dira, eta azkenean helikopteroak Galdakaoko Ospitalera eraman du zaurituriko emakumea.
