Mondragon Unibertsitateak ate irekien jardunaldi interaktibo bat egingo du maiatzaren 29an

DONOSTIA 25 May. (EUROPA PRESS) -

Mondragon Unibertsitateak ate irekien jardunaldi berritzaile bat egingo du maiatzaren 29an. Oñatiko Enpresagintza Fakultatetik 19:00etan hasiko da emisioa eta MUtelebistan, 'streaming' bidez, ikusteko aukera egongo da. Mondragon Unibertsitatean gradu bat ikasteko interesa duten pertsona guztiak beraien etxeetatik konektatzeko aukera izango dute eta ordu batez, emango diren azalpenak entzun eta jardunaldiaren bukaeran erantzungo diren galderak eginez parte hartzeko beta izango dute.

Saioa jarraitu ahal izateko, www.mondragon.edu helbidean sartu eta bertan dagoen MUtelebista atalean sartu besterik ez da egongo, Mondragon Unibertsitateko iturriek jakinarazi dutenez.

Jardunaldi berritzaile hau bi zatitan banatuko da. Lehenengo zatian, Mondragon Unibertsitateko errektoreorde akademikoa den Jon Altunaz gain, Enpresagintza Fakultateko, Goi Eskola Politeknikoko, Humanitate eta Hezkuntza Zientzien Fakultateko eta Gastronomia Zientzien Fakultateko ordezkariek parte hartuko dute. Guztien artean, unibertsitatea eta bera osatzen duten fakultateen berri emango dute.

Jardunaldi guztian zehar, ikus-entzuleek, argitu nahi dituzten galderak bidaltzeko aukera izango dute emisioak izango duen txat-aren bidez. Saioaren bigarren atalean, galdera guztiak irakurriko dira eta koordinatzaileek, bakoitzak dagozkien galderei, erantzuna emango diete.

Ate irekien jardunaldi hau epe laburrean unibertsitate-ikasleak izango diren pertsonei, beraien familiei, batxilergoko irakasle eta orientatzaileei eta Mondragon Unibertsitatea zuzenean ezagutu nahi duten guztiei zuzenduta dago. Fakultate bakoitzak, bere titulazio eskaintza azalduko du eta hauen inguruan egon daitezkeen zalantzak argituko ditu.