BILBO, 20 Feb. (EUROPA PRESS) -
Martxelo Otamendi 'Euskaldun Egunkaria'-ko zuzendari ohiak salatu du "Estatuaren izenean inor" ez dela "gertatutako guztia sentitzen duela esatera hurbildu", Auzitegi Nazionalaren erabakiz euskarazko egunkaria itxi eta bere hamar zuzendari atxilotu zuteneko hamar urte bete direnean. Halaber, 'Euskaldunon Egunkaria' ixteko operazioak "motibazio politikoa" zuela nabarmendu du.
Radio Euskadiri eskaini eta Europa Press-ek jasotako adierazpenetan, Otamendik esan du "Egunkaria auzia" Espainiako Gobernuaren "tresna antzeko bat" izan zela, "euskaldunekin eta egingo dutenarekin kontuz izateko mezuak bidaltzeko".
Bestalde, 'Euskaldunon Egunkaria'-ren itxierarekin, euskal kulturak eta euskarak jasan zuten "egoera guztiz bidegabea" deitoratu du Eusko Jaurlaritzako Hezkuntza, Hizkuntza Politika eta Kultura Sailak, eta itxieraren hamargarren urteurrenak "honelako gertaerak inoiz ez errepikatzea exijitzeko" balio izatea espero du.
Halaber, euskarazko egunkaria ixteko eta bere ondasunak bahitzeko erabili ziren arrazoiak justiziak "jada neurri batean ebatzi zituen" arren, "gaur, beste behin gogoratu behar dugu erabaki hark eragindako kaltea".
