BILBO, 4 Sep. (EUROPA PRESS) -
Bilbo aire eta erritmo flamenkoz beteko da hamargarren urtez jarraian, Bilboko Udaleko Kultura eta Hezkuntza Sailak Una Ría con Duende topaketa flamenkoak hasiko baititu larunbatean, irailaren 5ean, Ibaiondo barrutian. Irail osoan zehar, kontzertuak eta prestakuntza tailerrak eskainiko ditu "denora laburrean gure hiriko kultur hitzordu nagusien artean finkatzea lortu duen" hitzorduak, Bilboko Udalak jakinarazi duenez.
Topaketak Ibaiondoko hainbat eszenatokitan izango dira, eta, ohikoa denez, dantza, gitarra, kante eta txalo-konpas tailerrekin batera, artisten emanaldiak izango dira. Horrela, larunbatean, irailaren 5ean, arratsaldeko 20:00etan, flamenkoa kalera aterako duen Tablaoa Kalean ekimenarekin. José Toral eta Zugaza Cuarteto izango dira bertan.
Hemen sortutako flamenkoak ere izango du tokia jardunaldiotan, eta irailaren 12an, 20:00etan, Eduardo Florido Project Galdakaoko kantaore hasiberriaren proiektua izango da Bilboko Elizbarrutiko Museoan. Irailaren 19an errezitaldi didaktiko bat izango da Bidebarrieta Kulturgunean, María José Pérez kantaorearekin eta Francisco Roldán Roldán gitarra jolearekin.
Una Ría con Duende topaketaren 2015eko edizioa Bilborock aretoa bukatuko da irailaren 26an, 20:00etan, Manuel Domínguez 'Castulo' sevillarraren eskarmentua eta Joaquín de Sola gaztearen artea uztartzen dituen "Solera/Nuevos Aires" saio bikoitzarekin.
Halaber, programak irauten duen bitartean, San Frantziskoko udal zentroak arte horrekin erlazionatutako zenbait materialez osatutako bilduma jasoko du eta, horrez gain, liburuak eta musika CDak maileguan emango dira.
TAILERRAK
Bestalde, jardunaldien programa didaktikoa irailaren 8an hasiko da, dantza, gitarra, kante eta txalo-konpas tailerretarako hastapeneko jardunaldiekin (doakoak). Nolabaiteko musika nozioak eta flamenkoaren oinarrizko ezagupenak izan eta jaialdiak eskaintzen dituen tailerrak aztertu nahi dituzten pertsonei dago zuzenduta.
Helburua da partaideek kante, gitarra eta perkusio flamenkoaren oinarri erritmikoekin eta melodikoekin harremanak izatea, baita dantzaren oinarrizko mugimenduekin ere. Hastapen saio horietarako ez da aurretik izenik eman behar, eta San Frantziskoko udal zentroan egingo dira, 19:00etatik 21:00etara.
Aurreikuspenen arabera, aurreko edizioetan bezala, prestakuntzako tailerrak izango dira programaren oinarri nagusienetakoak. Irailaren 9an hasiko dira dantza klaseak San Frantziskoko zentroan, 17an kante eta gitarrakoak, eta 21etik aurrera txalo-konpas tailerrak egingo dira, hastapen mailakoak hasieran eta aurreratuak ondoren.
Una Ría con Duende topaketen helburu nagusia Ibaiondoko eta hiri osoko biztanleei "musika genero horren erritmo biziak eta energiaz betetakoak hurbiltzea da". Flamenkoaren ezaugarri nagusietakoa mota guztietako kultur eraginak bereganatzeko duen gaitasun handia da. Euskadin eskola eta flamenko diziplinen jarraitzaile asko daude.
