Sclavis-Romano-Texier hirukoteak hasiko du ostiral honetan "365 Jazz Bilbao zikloa

Romano, Sclavis eta Texier bihar Bilbon
365 JAZZ BILBAO
Actualizado: jueves, 7 febrero 2013 10:42

BILBO, 7 Feb. (EUROPA PRESS) -

Aldo Romano, Louis Sclavis eta Henri Texier musikariek osatutako hirukoteak hasiko du ostiral honetan, otsailaren 8an, Bilbao 700 Fundazioak antolatzen zuen 365 Jazz Bilbao zikloa. Kontzertua arratsaldeko 20:00etan hasiko, Guggenheim Bilbao Museoaren entzunaretoan, antolakuntzak jakinarazi duenez.

365 Jazz Bilbao zikloaren 2013ko edizioa otsailetik azarora egingo da eta izen handiz beterik dator: Frantziako Romano, Sclavis eta Texier maisuen hirukotea, otsailaren 8an; AEBetako Lizz Wright kantautorea, apirilaren 4an; New Yorkeko Ravi Coltrane saxofoi- eta klarinete-jotzailea, apirilaren 30ean; AEBetako Tom Harrell tronpeta-jotzaile eta konpositorean maiatzaren 22an; Londreseko Cleveland Watkiss abeslaria, urriaren 4an; Medeski, Martin & Wood taldea, azaroaren 5ean; eta Avishai Cohen kontrabaxu-jotzaile israeldarra, azaroaren 21ean.

Louis Sclavis klarinete-jotzaile frantsesa, Aldo Romano bateria-jotzaile italiarra eta Henri Texier kontrabaxu-jotzaile frantsesa Frantziako jazzaren oinarrizko hiru zutabe dira eta euren ekarpena "ezinbestekoa da" Europako jazza aztertzen denean. Horrela, 1995ean argitaraturiko "Carnet des routes" diskoaren oihartzunak ere bizirik diraute oraindik. Erdialdeko Afrikako sei herrialdetan egindako bidaia jasotzen du lan horrek.

Disko horren ondoren heldu ziren "Suite Africana" eta "African flashback", 2000n eta 2005ean, hurrenez hurren, eta gaur egungo jazzaren hiru musikaririk garrantzitsuenetakoen "sormenaren zirkulua" itxi zuten. Euren musikak herrialde desberdinen giroaren eragina jasotzen du, eta horrek erakusten du euren musika etengabe aldatzen dela eta kulturaren aldaketa desberdinetatik elikatzen dela.

Sclavis-Romano-Texier hirukoteak Guggenheim Museoan eskainiko duen kontzerturako sarrerak museoaren txarteldegian eta BBKren sarean daude salgai, sei eurotan.