BILBO, 20 May. (EUROPA PRESS) -
Tecnaliak IDDRGG 2011 Metal Konformatuen Nazioarteko Biltzarra egingo du ekainaren 5etik 8ra Bilboko Euskalduna Jauregian. Hitzorduan, 100dik gora adituk konformatu prozesuari buruzko ikerketak eta iritziak elkartrukatuko dituzte jasangarritasunaren ikuspegitik.
Antolatzaileek jakinarazi dutenez, biltzarrean entzule bezala parte hartzeko izena emateko epea oraindik irekita dago. Bertaratzen direnek, Audi, AIC, ArcelorMittal edo Volkswagen bezalako enpresetako ikertzaileen, zientzialarien eta ingeniarien hitzaldiak entzun ahal izango dituzte hiru egunetan zehar.
Jorratuko diren gaien artean daude "energia eraginkorraren kontsumoa, hondakinen murrizketa, lehengaien optimizazioa edo ibilgailuaren pisua eta CO2 isurpenak murriztuko dituzten material arinagoen erabilera, jasangarritasuna kostu lehiakorrekin eta produktuaren kalitatearekin bateragarri egiteko garrantzia ahaztu gabe".
Hitzaldiekin batera, bertaratutakoek bisita gidatuak egin ahal izango dituzte Tecnalia, Gestamp, MbTooling, CIE Automotive eta AIC enpresen instalazioetatik. Bisitetan, 'Strecht Bending' delako probetarako makineria, soldadura hibridoko zelula esperimental bat edo ertz malguko linea batekin hornituriko laborategiak ikusi ahal izango dira, besteak beste.
