Foto: Europa Press
MADRIL/BILBO, 30 (EUROPA PRESS)
Iñigo Urkullu Eusko Jaurlaritzako lehendakariak adierazi du bakegintzari, bizikidetzari, biktimei eta espetxe politikari buruzko komunikazio bide "pertsonala" eta zuhurra" izango duela Mariano Raxoi Espainiako Gobernuko presidentearekin.
"Uste dut hori izan behar dela Gobernuko presidentearen eta lehendakariaren arteko harremana, eta guztiz zuhurra izan behar du, lana horrela bakarrik izango delako emankorra", azaldu du Urkulluk prentsaurrekoan, Raxoirekin ia hiru orduko bilera izan ondoren Moncloa Jauregian, Madrilen.
Jaurlaritzako lehendakariak esan du bilera "adeitsua" eta "emankorra" izan dela, eta gaineratu du ezker abertzaleak eta, batez ere, ETAk "keinuak" egin behar dituztela, besteek ere "pausoak" ematea eragiteko.
Gainera, Estatua-Euskadi Batzorde Mistoaren deialdia martxan jarri dela iragarri du, Kontzertu Ekonomikoa arautzen duen Legea, transferitzeke dauden eskumenak Euskadira eskualdatzea eta Euskal Autonomia Erkidegoak bete behar duen defizita negoziatzeko.
