SANTIAGO DE COMPOSTELA, 26 Ene. (EUROPA PRESS) -
Urxencias Sanitarias de Galicia-061 asistiu durante a fin de semana a un total de 54 persoas debido a 36 accidentes de tráfico acontecidos nas estradas galegas. O maior número de atencións por sinistros rexistrouse o domingo, con 18 incidentes.
A Central de Coordinación recibiu entre as 15,00 horas do venres e as 23,59 horas do domingo 41 chamadas en relación cos accidentes de tráfico.
Os recursos sanitarios mobilizados polo 061 ascenderon a 44. Así, as ambulancias medicalizadas acudiron a catro sinistros; as asistenciais realizaron 36 saídas e as convencionais, dous; mentres que os médicos de Atención Primaria prestaron asistencia en dúas ocasións.
En 47 casos os feridos foron levados aos centros sanitarios correspondentes e en sete ocasións recibiron asistencia no lugar do sinistro sen necesitar traslado.
A proporción de homes atendida ascendeu ao 59 por cento e a de mulleres reduciuse ao 41 por cento. En canto ás idades dos feridos, un 42 por cento dos asistidos tiña entre os 20 e os 39 anos de idade.
Pontevedra, con 18 accidentes, foi a provincia que rexistrou máis accidentes durante os desprazamentos da fin de semana; seguida da Coruña, con 13; Lugo, con catro; e Ourense, con un.
