SANTIAGO DE COMPOSTELA, 13 Feb. (EUROPA PRESS) -
A Dirección Xeral de Emerxencias e Interior, dependente da Vicepresidencia da Xunta, alerta dun temporal de neve de nivel laranxa, que afectará a partir deste domingo ás provincias de Lugo e Ourense.
Segundo as previsións da Axencia Estatal de Meteoroloxía (Aemet), este fenómeno adverso afectará as zonas de montaña de ambas as provincias, con rexistros de 25 centímetros; e á zona sur de Ourense, onde serán de até 10 centímetros. A cota de neve estará sobre os 500/1000 metros.
Ante esta situación, e para garantir a seguridade dos bens e as persoas, o Centro de Atención ás Emerxencias 112 Galicia informou da situación a todos vos concello afectados, bombeiros, Deputacións e servizos de Protección Civil provinciais, entre outros medios.
