Activos dous incendios que queimaron unhas 230 hectáreas en Narón e outras 30 en Oza-Cesuras

 

Activos dous incendios que queimaron unhas 230 hectáreas en Narón e outras 30 en Oza-Cesuras

Contador
Actualizado 21/04/2017 10:30:25 CET

SANTIAGO DE COMPOSTELA, 21 Abr. (EUROPA PRESS) -

Dous incendios forestais permanecen activos na mañá deste venres nos municipios coruñeses de Narón e Oza-Cesuras, que queimaron unhas 230 e 30 hectáreas, respectivamente.

Así o informou a Consellería do Medio Rural, que indicou que segue activo o incendio declarado ás 9,49 horas do xoves na parroquia de Val no municipio de Narón e que, segundo as estimacións provisionais, queimou unhas 230 hectáreas.

Ademais, Medio Rural confirmou que permanece decretada como medida preventiva a situación 2 por proximidade do lume ao núcleo do Picheiro, na parroquia de Covas, no municipio de Ferrol.

No control deste incendio levan traballado sete axentes, 15 brigadas, 14 motobombas, dúas pas e cinco helicópteros. Tamén colaboran efectivos da Unidade Militar de Emerxencias (UME).

O incendio iniciouse á primeira hora da mañá do xoves na parroquia naronesa do Val e traspasou este municipio para chegar a Ferrol, á zona de Ponzos, en Covas, onde á primeira hora da noite do xoves, sobre as 22,30 horas, foron desaloxados por precaución os veciños de media ducia de vivendas unifamiliares do lugar de Covarradeiras, que xa puideron regresar ás súas casas.

Ademais está activo outro incendio forestal desde as 2,09 horas deste venres na parroquia de Cis do municipio de Oza-Cesuras, que afecta a unhas 30 hectáreas de superficie. No seu control traballan tres axentes, seis brigadas, catro motobombas e un helicóptero.

Mentres, quedou controlado ás 1,55 horas deste venres outro lume na parroquia de Vizoño en Abegondo, tras comezar ás 17,49 horas do xoves e queimar unhas 46 hectáreas, delas 38 de monte arborado e oito de raso.

Na extinción deste incendio forestal, segundo concretou Medio Rural, traballan dez axentes, oito brigadas, cinco motobombas, dúas pas e un helicóptero.

EXTINGUIDOS

Polo seu lado, ás 00,04 horas deste venres quedou extinguido o lume rexistrado na parroquia de Deveso do municipio coruñés das Pontes de García Rodríguez, que comezou ás 6,10 horas do xoves. As últimas estimacións sitúan a superficie afectada en 30 hectáreas, das cales 20 son de monte arborado e dez de raso.

Así mesmo, desde as 21,07 horas do xoves está extinguido outro incendio declarado ás 22,36 horas do mércores no municipio de Negreira. As últimas estimacións sitúan a superficie afectada en 131 hectáreas, delas 101 de monte raso e o resto de arborado.

Puede cambiar de noticia usando las flechas del teclado (← →)
La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies