SANTIAGO DE COMPOSTELA, 10 Dic. (EUROPA PRESS) -
A Axencia Española de Meteoroloxía (Aemet) elevou a nivel vermello o aviso en varios puntos das provincias galegas de Lugo, Ourense e Pontevedra pola incidencia do temporal 'Ana', que podería deixar nesas zonas ventos de até 140 quilómetros por hora.
Así, segundo informou a Xunta, o nivel de alerta pasará a ser vermello a partir das 18,00 horas deste domingo nas Rías Baixas, O Miño, no interior da provincia de Pontevedra, a montaña de Ourense e a montaña de Lugo.
Nestes puntos, os refachos de vento poderían alcanzar os 140 quilómetros por hora. A Xunta instou á poboación a extremar as precaucións nas zonas costeiras, así como a estar alerta ante a posible caída de obxectos desde balcóns e ventans.
Este domingo chegou a Galicia unha borrasca profunda, denominada 'Ana', situada no cuadrante noroccidental da Península Ibérica que está a deixar fortes ventos e choivas no litoral e zonas altas de Galicia. Aínda que amainarán o luns, prevese que continúe a inestabilidade, con chuvascos xeneralizados.
