Afectados por preferentes ocupan unha oficina de NCG en O Porriño (Pontevedra)

Europa Press Galicia
Actualizado: miércoles, 19 junio 2013 22:28
Seguir en

VIGO 19 Jun. (EUROPA PRESS) -

Un grupo dunha vintena de afectados por participacións preferentes e subordinados ocupou este mércores unha oficina de NCG en O Porriño (Pontevedra), para reclamar "unha solución" á súa situación e a recuperación dos seus aforros.

Segundo explicou a Europa Press un voceiro do colectivo, o "encerro pacífico" iniciouse pola mañá, cando un grupo de afectados acudiu á oficina do banco, próxima ao Concello, para acompañar un deles, que tiña unha cita cunha directiva da entidade.

A media mañá, acordaron quedar dentro da oficina, que foi pechada ao público. Ao lugar acudiu a Garda Civil, pero non foron desaloxados nin se produciron incidentes, e alí permanecerán ata última hora da tarde, xa que foron advertidos polos empregados da entidade de que a porta quedará bloqueada a partir das 22.00 horas.

"Non é o primeiro acto así que facemos", apuntaron os afectados, que nos últimos días ocuparon outra sucursal en Ponteareas, de onde foron desaloxados pola Garda Civil. Tamén advertiron de que "isto se vai volver repetir".

Contenido patrocinado