Foto: EUROPA PRESS
SANTIAGO DE COMPOSTELA, 17 Abr. (EUROPA PRESS) -
Alternativa Galega de Esquerda (AGE) denunciou este xoves un "novo ataque á sanidade pública galega" por parte do Goberno da Xunta, ao que acusou de querer "acabar" con este servizo e de ter planificado un "peche histórico" de camas no Complexo Hospitalario Universitario de Vigo (CHUVI) este verán
En concreto, a deputada de AGE Eva Solla alertou de que Sanidade pretende "pechar ata 219 camas durante o verán" no CHUVI, o que suporía "ter tres de cada 17 camas pechadas".
Para Eva Solla, esta decisión suporá "un importante retroceso na calidade do servizo e o aumento das probabilidades de que se produzan novos colapsos no hospital" como "xa aconteceu o pasado verán en Urxencias".
Para a formación, estas medidas evidencian que o Partido Popular ten "unha total falta de interese pola sanidade pública" e que "lonxe de apostar por mellorar", o que "realmente busca" a Xunta é "arrasar con todo o público"