SANTIAGO DE COMPOSTELA, 24 Jun. (EUROPA PRESS) -
A Asociación Galega de Empresas de Tecnoloxías de Información e Comunicación (Agestic) iniciou hoxe un ciclo de xornadas para promover a e-Administración entre as pequenas e medianas empresas da comunidade. O seu obxectivo é instar as pemes a realizar as súas xestións a través de internet.
"Poden facelo de forma segura", defendeu o presidente de Agestic, José María López Bourio, en declaracións a Europa Press tras a inauguración da xornada 'A oficina e a administración sen papeis' en Santiago.
Segundo asegurou, a Xunta esixe aos seus provedores o uso da sinatura dixital en todas as tramitacións e, dende outubro, tamén o fará a Administración central. Por iso, a finalidade desta serie de xornadas é sensibilizar ao máximo posible de pymes e autonómos da comunidade.
O responsables desta asociación recordou que a xestión electrónica contribúe a reducir o uso de papel e elimina problemas vinculados co manexo de arquivos e datos. "A Administración electrónica, a factura e a sinatura dixital non é que sexan o futuro, son o presente", concluíu.
