Ángel Ron defende as cláusulas solo do Banco Popular e afirma que "son legais"

Europa Press Galicia
Actualizado: martes, 18 junio 2013 21:10
Seguir en

A CORUÑA 18 Jun. (EUROPA PRESS) -

O presidente do Banco Popular, Ángel Ron, defendeu as cláusulas solo da súa entidade ao asegurar que "son legais" e que, polo tanto, non as van retirar mentres non exista unha "xurisprudencia uniforme" ao respecto.

Así o manifestou na súa intervención no foro 'Realidade e retos das pemes', que se celebra no Museo Santiago Rey Fernández-Latorre de A Coruña. "Hoxe por hoxe as nosas cláusulas son legais", insistiu.

"Ninguén dixo que sexan ilegais", destacou Ron ao defender as cláusulas do Banco Popular e despois de que o Tribunal Supremo ratificase a nulidade destas cláusulas nos casos nos que se produza unha falta de transparencia, o que provocou que varias entidades bancarias as eliminasen. "Hipotecas ao 1 por cento non cobren os custos", afirmou o presidente do Banco Popular durante a súa intervención.

Contenido patrocinado