VIGO, 5 Feb. (EUROPA PRESS) -
A previsión meteorolóxica de temporal prevista para este sábado obrigará a suspender os labores de busca por mar dos dous mariñeiros desaparecidos, hai unha semana, ao sur das illas Cíes, segundo confirmaron a Europa Press fontes de Salvamento Marítimo.
Durante a xornada deste venres, un total de 25 mergulladores voluntarios, oito GEAS e outros dous mergulladores do equipo de Salvamento de Fene realizaron inmersións para tratar de localizar os dous desaparecidos.
Paralelamente, tamén se levou a cabo unha busca por terra, a cargo de voluntarios e integrantes de Protección Civil de Cangas, que rastrexaron a zona de Cabo Home.
A busca realízase no ámbito do illote Boeiro, onde o pasado sábado se localizaron afundidos restos da planeadora Látigo, na que faenaban os dous mariñeiros desaparecidos.
O mal estado do mar impediu que os labores de inmersión non se iniciasen ata o xoves. Este venres, a última hora, tamén saíu o Pesca 1 para realizar un rastrexo por aire, pero concluíu sen éxito.
