SANTIAGO DE COMPOSTELA, 25 Nov. (EUROPA PRESS) -
Un home de idade avanzada foi localizado falecido tras incendiarse a súa vivenda este mércores no termo municipal da Pobra do Caramiñal (A Coruña).
Segundo informou o 112 Galicia, os Bombeiros de Boiro localizaron o home falecido no interior da súa vivenda tras producirse un incendio nunha dos cuartos do inmoble.
Os feitos sucederon sobre as 6,15 horas deste mércores nunha casa unifamiliar situada na Rúa Nova da Pobra do Caramiñal na que residía o home.
Tras recibir a chamada dun particular, o CAE 112 Galicia mobilizou tamén a efectivos dos parques comarcais de Boiro e Ribeira. Unha vez controlado o lume, os servizos de extinción atoparon o cadáver do home.
Ao lugar, segundo sinalaron a Europa Press fontes sanitarias, acudiu unha ambulancia asistencial do 061 e un médico do Punto de Atención Continuada (PAC) da zona que confirmou o falecemento do varón, M.G., de 83 anos.
Os medios de extinción indicaron que o lume provocara o derrubamento da casa de dúas plantas e que estaba en malas condicións.
Debido a este suceso tamén se requiriu a colaboración de Protección Civil da Pobra, Policía Local e da Gaurdia Civil.
