O IPC baixa tres décimas en febreiro respecto a xaneiro en Galicia e sobe un 0,9% en taxa interanual

   O Índice de Prezos ao Consumo (IPC) reduciuse tres décimas en febreiro respecto a xaneiro en Galicia, fundamentalmente influído pola caída nos alimentos e bebidas non alcohólicas e o vestido e o calzado. A redución interanual alcanzou o 0,9%, segundo os datos difundidos hoxe polo Instituto Nacional de Estadística (INE).

   En toda España, o IPC baixou dúas décimas no mes de febreiro en relación ao mes anterior, o que permitiu que a taxa interanual se situase no 0,8%, dúas décimas inferior á de xaneiro. Desta forma, o IPC interanual volve anotarse un descenso tras encadear catro meses á alza.

   A caída dos prezos situou a Galicia como a segunda comunidade coa maior redución respecto a xaneiro tras Cantabria (caeron catro décimas) e coa mesma variación que Castilla-La Mancha, Navarra e País Vasco.

   (HABERÁ AMPLIACIÓN)