AV.- Zarrías ve "avances moi tenues" na proposta da Xunta sobre a Lei de Caixas e cree que non resolven as dúbidas

SANTIAGO DE COMPOSTELA 8 Mar. (EUROPA PRESS) -

O secretario de Estado de Cooperación Territorial, Gaspar Zarrías, contestou hoxe por carta á proposta remitida o pasado venres pola Xunta para modificar a Lei de Caixas nos puntos que están aínda a debate e considerou que a alternativa do Goberno galego supón "avances moi tenues" que "non resolven as dúbidas" que están sometidas a consideración do Tribunal Constitucional (TC).

Fontes do Ministerio de Política Territorial indicaron a Europa Press que Zarrías remitiu hoxe a súa resposta ao Goberno galego, tras analizar os documentos enviados pola Xunta o pasado venres, nos que facía balance dos resultados obtidos ata agora nas negociacións e ofrecía un texto alternativo en tres dos cinco puntos sobre os que non hai consenso e un acordo interpretativo nos outros dous.

Ademais, o responsable de Cooperación Territorial transmite Ao conselleiro de Presidencia, Alfonso Rueda, a quen dirixe a carta, a súa "sorpresa" por algunhas das afirmacións que este fai na súa misiva, entre as que as mesmas fontes citaron as alusións ao "bloqueo" por parte do Executivo central. "Es consciente de que estas valoracións non responden á realidade", afirma Zarrías no texto.

(HABERÁ AMPLIACIÓN)