Campa di que "non hai ningún contrato nin operación contable" de Sanidade con empresas de Dorado

Foto: EUROPA PRESS

SANTIAGO DE COMPOSTELA, 16 May. (EUROPA PRESS) -  

   O secretario xeral técnico da Consellería de Sanidade, Antonio Fernández-Campa, asegurou este xoves que "non hai ningún contrato nin operación contable" do seu departamento ou calquera outro da Consellería de Sanidade con empresas do narcotraficante Marcial Dorado.

   "Nin no período que vostedes solicitan nin noutro, nin durante a época do bipartito", sostivo na súa intervención en comisión parlamentaria para xustificar a súa negativa a aportar a documentación requirida polo PSdeG.

   Este grupo, en concreto, solicitou "copia da totalidade dos contratos de fornezo energético, de combustible e informático" entre 1992 e 1998, pero os datos non serán facilitados á Cámara por ser, en palabras do alto cargo de Sanidade, unha documentación "inmanexable" polo seu volume.

   De feito, apuntou que se trata de "máis de 16.000 operacións contables" referidos a "máis de 96 millóns de euros". Como detallou, son máis de 11.000 as operacións de suministros energéticos, correspondentes a 67,3 millóns de euros; e unhas 4.800 para equipamientos informáticos, por 29,3 millóns de euros.

   Con todo, a oposición, que considerou a súa comparecencia "unha burla", puxo en dúbida este dato, tendo en conta que o presidente da Xunta, Alberto Núñez Feijóo, revelase que "non hai expedientes" anteriores a 2003 porque a lexislación só obriga a gardala durante unha década.