LUGO 10 Feb. (EUROPA PRESS) -
O responsable comarcal do BNG en Lugo, Antón Bao, pediu este venres aos críticos coa liña política saída da asemblea que asuman os resultados e instou a que "todos" acollan o lema que popularizou Alejandro Dumas nos 'tres Mosqueteiros': "Todos para un e un para todos". "E deixémonos desta sempre lambéndonos as feridas", apostilou.
"Eu vexo que o que debemos ter claro os demócratas e despois do exercicio de democracia que fixemos no BNG, é acatar o resultado deste proceso democrático", sinalou, para advertir de que "unha derrota nun proceso así non pode supoñer a quebra do proxecto no que estás".
Finalmente, o tamén tenente de alcalde do Concello de Lugo, onde gobernan coaligados cos socialistas, fixo un chamamento "a traballar politicamente polo proxecto que necesita este país". "Existe país mentres hai BNG, pero hai BNG mentres existe país, e é o que está en xogo neste momento", concluíu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)