Di que son "un caldo de cultivo para esas redes clientelares do PP"
A CORUÑA, 21 Oct. (EUROPA PRESS) -
O voceiro nacional do BNG, Xavier Vence, manifestou que o titular do Executivo galego, Alberto Núñez Feijóo, e a conselleira de Traballo e Benestar, Beatriz Mato, teñen "moito que aclarar" sobre os cursos de formación e pediu unha comisión de investigación no Parlamento galego.
A preguntas dos xornalistas sobre a 'Operación Zeta' e a imputación, entre outros, do empresario Gerardo Crespo e os seus supostos contactos políticos no PP, aos que apuntan os investigadores, Vence dixo que Feijóo e Mato teñen "moitas explicacións que dar".
Así, preguntouse "por que non se sustanció ningunha dimisión" cando se produciu unha investigación "por parte da Comisión Europea de malversación de fondos en 2012", sentenciou sobre a que se produciu despois co exdirector xeral de Traballo, Odilo Martiñá.
"Hai moito que aclarar e por iso o BNG demanda unha comisión de investigación sobre o destino e a aplicación dos fondos", dixo sobre a creación desta no Parlamento galego.
Por outra banda, considerou que estes cursos de formación foron "un caldo de cultivo para esas redes clientelares do PP". Mentres, considerou que "o caso de Azetanet", unha das empresas do empresario Gerardo Crespo "é a punta do iceberg da corrupción de fondos" sentenciou.
