O BNG denuncia a "deterioración" da atención sanitaria en Vigo durante o verán

VIGO, 5 Oct. (EUROPA PRESS) -

O Grupo Parlamentario do BNG presentou unha serie de preguntas na Cámara nas que pide explicacións pola "deterioración" da atención sanitaria na área de Vigo durante o verán, debido ao "peche masivo de camas" e a existencia de listas de espera "escandalosas", segundo explicaron este martes a deputada autonómica Ana Luisa Bouza e o tenente de alcalde da cidade, Santiago Domínguez Olveira.

Nunha rolda de prensa, Ana Luisa Bouza denunciou a deterioración "a marchas forzadas" da sanidade pública e acusou á Consellería de Sanidad de "negarse a aceptar a realidade" e poñer "cortinas de fume".

Así afirmou que en xuño había 1.000 persoas máis esperando no Complexo Hospitalario Universitario de Vigo (Chuvi) "e outras 1.000 máis en Povisa" respecto a xuño de 2009, polo que considerou que o verán fose un bo momento para aproveitar e reducir as esperas.

Non obstante, afirma que se pechou un grande número de camas e "o que pasou foi as urxencias colapsadas". "Sabemos que en Ourense houbo pacientes de urxencias que foron derivados a centros privados por non haber camas", indicou, ao tempo que sospeitou que en Vigo puideron acontecer situacións deste tipo.

Ademais, tamén explicou que a falta de camas fixo mesmo que "non houbese capacidade siquiera" para atender as operacións programadas" e houbo pacientes aos que se lle ofreceu ser intervidos en centros privados. Non obstante, a xente que rexeitou esta oferta pasou á lista de espera "non estrutural", sobre a cal, segundo recordou, "non temos datos reais".

A deputada nacionalista destacou que en Vigo hai "dous problemas a maiores" porque o financiamento para o novo hospital é "un paso cara á privatización" e porque existe a situación "extraordinaria" de Povisa -que ten un concierto- e onde a lista de espera media para as operacións está en "122 días, case o dobre da media galega" e ademais é o único hospital dos da rede pública "que non dá datos das esperas das probas diagnósticas".

LISTAS DE ESPERA

Pola súa banda, Domínguez Olveira indicou que se estima que "máis de 8.000 persoas están hoxe fóra da atención estrutural" ao ser derivadas a centros privados e negáronse a recibir atención nelas. "Non sabemos nestes momentos que pasa con estas persoas", engadiu o nacionalista.

Así mesmo, afirmou que se a ese dato se lle engade que nas listas de espera que se publican hai "6.500 persoas, máis 3.000 de Povisa", significa que o total ascendería a unhas "18.000 persoas".

De igual modo, denunciou "listas de espera escandalosas" nalgunhas especialidades e probas diagnósticas e indicou que a de ecografías está en "máis dun ano" e a política de non cubrir ausencias en verán na atención primaria.

O tenente de alcalde dixo que ao BNG le "preocupan estes datos" e que, por iso, "seguirá insistindo na crítica e en pedir explicacións"