SANTIAGO DE COMPOSTELA, 18 Jul. (EUROPA PRESS) -
O BNG lamentou este xoves a morte do político Anxo Guerreiro e afirmou que Galicia "perde un dos máis grandes e importantes referentes da esquerda nas últimas décadas".
Nun comunicado, o Bloque lamentou o falecemento de 'Geluco' e trasmitiu familia, compañeiros de traballo e amigos de Anxo Guerreiro as súas condolencias.
En palabras do voceiro do Grupo Parlamentario do BNG, Francisco Jorquera, "hoxe é un día triste para Galicia coa perda dun compañeiro de traballo político que sempre loitou polas liberdades e a xustiza social".
Guerreiro, deputado na primeira lexislatura do Parlamento galego, formou parte da Comisión redactora do Estatuto de Autonomía cunha dilatada traxectoria política ao servizo da esquerda e de Galicia.
