A CORUÑA, 26 Nov. (EUROPA PRESS) -
Membros do BNG cualificaron de "xuízo político" a causa aberta contra dous militantes desta formación, entre eles o concelleiro en Cambre, Dani Carballada, por pintar un mural sobre o aborto.
Ante os xulgados da Coruña, a Comisión de Acción Feminista do BNG da bisbarra coruñesa organizou unha concentración en apoio a Carballada e ao estudante David Neira, ambos os dous xulgados por realizar unha pintada nun muro da N-VIN, entre os municipios de Cambre e Oleiros.
Segundo explicaron, o obxectivo da súa protesta era "reivindicar o dereito das mulleres a decidir ser nais". En declaracións aos medios, Carballada, sinalou que o xuízo responde "a unha cuestión política".
"Este xuízo é máis propio do franquismo que da democracia", indicou. Pola súa banda, a secretaria nacional de Implantación e Estratexia Municipal do BNG, Goretti Sanmartin, cualificouno de "xuízo político" e remarcou que o mesmo se celebra despois da retirada do anteproxecto da reforma de lei do aborto.
