Aínda que a encomenda irá ao Conselo do xoves, os empregados avisan de que iso "non significa que se vaia traballar xa"
SANTIAGO DE COMPOSTELA, 29 Jun. (EUROPA PRESS) -
Empregados da empresa pública de Servizos Agrarios Galegos, S.A. (Seaga) concentráronse este mércores ante o Parlamento galego para reclamar traballo "digno" e para denunciar que seguen sin saber cando comezarán a traballar na campaña contraincendios, a pesar de que este 1 de xullo arranca xa a campaña de alto risco de lumes.
Decenas de brigadistas concentráronse ante a Cámara --nunha xornada na que se debaterá unha iniciativa parlamentaria sobre a súa situación--, mentres fixeron soar as súas bucinas e realizaron cánticos reivindicativos tras unha pancarta na que se podía ler: 'Tres meses de traballo, nove meses de fame'.
Despois de que a semana traballadores de Seaga denunciasen que a Xunta aínda non realizou a encomenda dos 500 efectivos desta compañía pública para a loita contra o lume, o presidente do comité de empresa Pontevedra, Josafat Puente, censurou que seguen todos os traballadores sin contratar.
Aínda que a conselleira de Medio Rural, Anxos Vázquez, avanzou o martes que a contratación de Seaga irá ao consello de la Xunta deste xoves, Peter Brea, delegado da CIG por A Coruña, lamentou que non se informou diso os traballadores, ao tempo que avisou de que esa encomenda "non significa que se vaia traballar xa, iso o que significa é que estiveron a esperar todo o que puideron e non dixeron nada".
Sobre esta cuestión, o secretario nacional da CIG-Servizos, Paulo Rubido, incidiu en que montar o dispositivo "supón un mínimo de 15 días" e "non hai absolutamente nada feito", polo que non se prevé que ata "o 15 ou 20 de xullo" poida estar listo.
De feito, os servizos xurídicos destes traballadores estudan, en caso de que por parte da Administración galega se atrase "de forma deliberada" a encomenda, demandar á Xunta "por fraude".
SENTENZA
Precisamente sobre esas demoras na contratación, a pasada semana unha sentencia da Sala do Social do Tribunal Superior de Xustiza de Galicia (TSXG) declarou o dereito do persoal con contrato indefinido discontinuo de Seaga a que os seus períodos de actividade coincidan, "canto menos, cos períodos nos cales se atope vixente a orde de execución de encomendas administrativas subscritas por empresa con Consellería competente.
Seaga atrasou en 2015 os chamamentos do persoal durante 20 días e adiantou a finalización dos contratos en 15 días, polo que en total privou do dereito a traballar e a cotizar un total de 35 días os máis de 500 operarios da empresa. Por este motivo, Paulo Rubido reiterou que a Xunta deberá indemnizar cun "millón de euros" os traballadores da compañía pública.
Por tal motivo, tacha de "esperpento" que a Xunta vaia pagar a traballadores que queren traballar, pero que se lles paga sen que realicen traballo efectivo, é dicir, a administración vai tirar, como quen di, un millón de euros ao lixo".
Así mesmo, lamentou que a Xunta "parece que si que toma nota da sentenza do TSXG" polo atraso na encomenda, no que considera "unha manobra intencional" da Consellería de Medio Rural e "do personaxe, que é o responsable desta situación, Tomás Fernández Couto".
Sobre este extremo, lamenta que se "vai priorizar a situación de represalia" aos empregados en vez da prevención de incendios, a pesar de que "xa cambiou o tempo" e hai vento do norte, polo que "vai haber incendios estes días" e "parece que iso importa moi pouco".
PRECARIEDADE E PRIVATIZACIÓN
O presidente do comité de Lugo de Seaga, Héctor López, chamou a atención sobre a "precariedade" que padecen estes traballadores, xa que só traballan tres meses ao ano, o que provoca que "a xente se está a ir", pois o ano tiveron "máis de cento e pico baixas" e este ano vaise no mesmo camiño, o que provoca unha menor profesionalidade e eficacia nos incendios ao ter que formarse novos traballadores.
Neste sentido, o presidente do comité de empresa Pontevedra de Seaga, Josafat Puente, lamentou que isto se produce nun dispositivo no que non se aposta polo persoal "profesional" e "fixo", senón que se dá o traballo a "concellos e Tragsa". "Antes eramos 2.000 (en Seaga), agora somos 500, se seguimos así tendemos a desaparecer, que parece que é o que quere a Xunta", censurou.
A liña seguida, Peter Brea critica que esas baixas se producen por un estado "insostible", pois empregados se atopan nunha situación "desesperada", xa que non ten prestacións e "non pode traballar tres meses e nada máis".
Ademais, Josafat Puente, criticou que este ano se adxudicaron "11 millóns de euros" a empresas privadas para realizar labores de prevención en vez de encargar máis labores á compañía pública Seaga.
Ao respecto, recriminou as palabras do director xeral de Ordenación e Produción Forestal, Tomás Fernández-Couto, que en sede parlamentaria defendeu que a Xunta faga diversas contratacións de empresas privadas para labores de prevención contra o lume porque as tarifas da compañía pública Seaga "non son máis baratas".
