LUGO, 26 Oct. (EUROPA PRESS) -
Un home tivo que ser rescatado por bombeiros a última hora da tarde do martes ao caer ao pozo do que trataba de rescatar o seu can no municipio de Outeiro de Rei (Lugo).
Segundo informou o 112 Galicia, o home caeu ao pozo cando intentaba sacar o seu can sobre as 20,20 horas do martes no lugar de Metela, en Outeiro de Rei.
O home, duns 50 anos de idade, foi rescatado polos Bombeiros de Vilalba, segundo sinalaron as mesmas fontes, que concretaron que levaba case unha hora mergullado na auga e presentaba síntomas de hipotermia.
Foi un particular que escoitou o home pedir auxilio o que alertou ao servizo de emerxencias, que mobilizou aos servizos sanitarios de urxencia, aos Bombeiros de Vilalba e á Guardia Civil.
