SANTIAGO DE COMPOSTELA, 28 Nov. (EUROPA PRESS) -
O maxistrado do Tribunal Supremo (TS) e exfiscal xeral do Estado Cándido Conde-Pumpido expresou este venres o seu apoio ao actual fiscal xeral, Eduardo Torres-Dulce, en relación coa polémica derivada da querela interposta contra o presidente da Generalitat, Artur Mas.
"Creo que os problemas que ten o fiscal xeral son problemas normalmente moi difíciles, moi complexos, polo tanto eu exprésolle o meu apoio ao fiscal xeral actual", sinalou, en declaracións aos medios de comunicación en Santiago antes de intervir nunha xornada sobre a experiencia da catástrofe medioamebiental do 'Prestige'.
A preguntas dos xornalistas sobre a polémica xurdida pola querela de Torres-Dulce, o anterior fiscal xeral afirmou que el viviu "o difícil que é ese cargo" e, polo tanto, mostrou o seu respecto polas decisións que toma o seu sucesor.
Neste sentido, e máis alá de explicitar o seu apoio ao fiscal xeral do Estado, Cándido Conde-Pumpido declinou facer "ningún comentario" máis sobre esta cuestión.
