Recollían "importantes" partidas de cocaína de barcos situados no Atlántico para levalas ás costas galegas
SANTIAGO DE COMPOSTELA, 24 Abr. (EUROPA PRESS) -
A Audiencia Nacional condenou a 15 veciños da provincia de Pontevedra a penas de entre 9 e 22 anos de prisión por recoller "importantes" partidas de cocaína de barcos situados en augas do Atlántico e trasladases en planeadoras de gran potencia ás costas galegas.
Así o recolle a sentenza, dada a coñecer este venres, do xuízo celebrado en novembro de 2014 contra os 26 integrantes de dúas bandas diferentes, a dos 'Patocos' --liderada polo falecido Manuel Abal Feijóo-- e a dos 'Parido', encabezada por Juan Carlos Fernández Cores.
Entre os condenados está Gregorio García Tuñón, alcume "Yoyo", quen tras a morte de Manuel Abal Feijóo asumiu o mando da organización dos 'Patocos'. A Audiencia Nacional considérao autor dun delito contra a saúde pública por tráfico de cocaína, en calidade de "notoria importancia"; e doutro por pertenza a organización, en calidade de xefe.
Por iso, imponlle unha pena de 13 anos e seis meses de prisión e unha multa de 483.460.993 euros. Á mesma pena foi condenado o considerado líder do clan dos 'Parido', Juan Carlos Fernández cores.
Pola súa banda, a maior condena cae sobre Baltasar Vilar Durán, ao que a Audiencia Nacional culpa de dous delitos de tráfico contra a saúde pública por cocaína, cada un dos cales penado con 11 anos. Tamén se lle impoñen senllas multas de 161.153.664 euros. Ademais, José Ángel Vázquez Agra terá que cumprir unha pena de 10 anos e seis meses de cárcere e unha multa de 322.307.329.
O resto de condenados, todos eles a unha pena de 9 anos e un día de prisión son José Manuel Gondar Otero; os irmáns Ramón, Rogelio e Gabriel Fabeiro Torres; Pablo García Fabeiro; José Vázquez Pereira; José Manuel Rey Pereira; Benito Abal Feijóo; José Manuel cores Losada; Ricardo Cacabelos Charlín; e Marcos Luís Padín Martínez.
Fronte a eles, foron absolvidos Evaristo Fabeiro Besada, José Ángel Vázquez Mouriño, César Pérez Viñas, Cástor Pérez Romero, José Ángel Vázquez Lago, José Campos Ribas, Antonio Gómez Souto, Pablo Gómez Souto, Antonio Manuel Reiriz González, Francisco Bugallo Varela, e Andrés García Gesto.
FEITOS
Segundo a Audiencia Nacional, a banda dos 'Patocos', asentada na zona de Vilagarcía de Arousa, establecera a "infraestrutura necesaria" para dedicarse a acondicionar planeadoras que dedicaban a recoller importantes partidas de cocaína no Atlántico.
Esta droga era trasladada por barcos nodriza ata o Atlántico por organizacións sudamericanas, coa que se concertaban a cambio de diñeiro ou dunha parte da droga, para transvasala ás súas lanchas e transportalas ata Galicia, onde, ou ben introducíanas directamente en terra, ou ben trasladábanas a embarcacións de menor porte, que posteriormente, alixaban nas praias.
Pola súa banda, Juan Carlos Fernández cores dirixía outra organización distinta de lancheros que tiña a súa propia infraestrutura marítima e terrestre. Esta banda tamén se dedicaba ao transporte de cocaína para outros grupos galegos e sudamericanos. Así, tamén saía a recoller a droga en alto mar para achegala á costa galega, descargala e ocultala en praias.
